Beranda Cerita Pak Beluk Umpan Pancing Sakti

Umpan Pancing Sakti

81
0

LUM lame ni Pak Beluk ngah Merin mancing cengkak ke arah Muare Sahung. Ate nyampai ke lokasi, engkasnye lah ade pule jeme mancing. Beranggi jerang, langsung beraksi Pak Beluk ngah Merin ni.

“Petang juge kite balik. Mangke ate nyampai ghumah, langsung bebuke,” uji Pak Beluk.

“Awu nian. Mangke ndik terase nian puase ni,” timbal Merin.

Lah sejam lebih, lum ade narik ikan ni. Jangankan narik, njujut saje endik. Endik beluak umpan dikaitkan di mate pancing.

“Adak, alangkah sege mancing ni. Ape ikan ni puase pule,” Pak Beluk, mulai meskil.

“Kah ngengape. Barang mustahil kapuh ikan puase,” Merin nimbal, sambil nguntalkah mate pancing agi.

Endik jauh jak badah ughang due ni, ade jeme sughang mancing celicit dapat ikan cengkak ni. Lah ndak setengah kambu besak ghulihan kenan. Pak Beluk ngah Merin lum dapat sikuk kiah.

Penasaran Pak Beluk ni, damping kenan. Mancing damping jeme tadi. Endik kina pancing kenan narik. Jeme sebelah kenan maju celicit dapat.

“Ndik kah melesit, pasti umpan kenan ni alap,” dalam ati Pak Beluk.

“Numpang umpan dikit umpan ce,” Pak Beluk berasan.

“Adak sini ce,” timbalnye sambil ngenjukah umpan dalam kantong asoi itam.

Lah bejaju saje Pak Beluk ni masang umpan. Anye meruap pule embau situ agi.

“Tajam nian bau umpan kaba ni ce,” kate Pak Beluk.

“Mbeli di mane kaba ni umpan?” tanye Pak Beluk.

“Ndik mbeli bai,” timbal kenan.

“Tape die tini amun ndik beli?” Pak Beluk tambah penasaran.

“Adak nasi kemaghi base titu,” jawab jeme tadi luk adak.

“Itulah baunye meruap kata,” dalam ati Pak Beluk kekelecing saje, sambil ncakagh badah bebasuh tangan.(sip)




LEAVE A REPLY

Please enter your comment!
Please enter your name here