Beranda Cerita Pak Beluk Tiduk Makan

Tiduk Makan

48
0

PAK Beluk seperti biase ngumpul dengan kekantin setianya, Merin, Taun, Ujang Kericup dan Buyung Tanduk. Raban ini ngumpul di warungn kupi ujung dusun. Sambil minum kupi raban ini ngobrol ye dide mbatak balik.

“Hidup ye lemak setiap manusie itu versinye bebeda,” uji Taun.

“Au ce, kalau semegi pasti dide lemak. Bakal ngerepotkah jeme lain,” kate Merin beragam.

“Maksud aku nikmati hidup ini setiap jeme itu beda. Ade ye lah beduit masih galak ke sawah ncangkul atau merumput sawah,” timbal Taun.

“Memang dide semegi jeme nikmati hidup ce. Ade ye kaye pengerit, semingge sawah ditraktor dewek. Dide ukan nikmati hidup itu, takut rugi bai. Salah kabah kalau jeme mbak itu nikmati hidup,” sintung Ujang Kericup.

“Udelah ribut gegare jeme nikmati hidup. Ye penting itu lukmane kite ini pacak nikmati hidup kite make lemak,” sahut Buyung Tanduk.

“Musingkah kamu gegale ini, jeme gegale di dunie ini dide galak kerih gale. Jadi pasti die kah nikmati hidup ye lemak tulah ukan masih bekerje ke sawah, kebun atau ye lain,” kate Pak Beluk ngegas.

“Jadi kalau versi kabah Pak Beluk ye mane nikmati hidup paling lemak,” tegas Merin.

“Hidup ye paling lemak itu badan sehat, tanci banyak, utang dide bedie, kerje tiduk makan. Udim, kah sependapat gale kamu gegaleni”. (mrn)




LEAVE A REPLY

Please enter your comment!
Please enter your name here