Beranda Cerita Pak Beluk Telibat Kasus

Telibat Kasus

86
0

PAK Beluk ni ceritenye sedang bace koran. Kebetulan halaman dibace ble ni halaman kriminal. Udim mbace berita kasus maling ayam. Pak Beluk lanjut mbace kasus pencabulan. Pas udim mbace satu paragraf, Pak Beluk ni bepikir karena, inisial tersangka ni Mr. Merase bingung Pak Beluk nelponlah Merin. Kebetulan pule Merin ni dide ngangat.

“Tutt…..tutt…..tut…..,” suare Hp Pak Beluk nelpon Merin. Beulang-kali nelpon Merin ni dide ngangat, sedang sibuk bubuhi burungnye. Betanye-tanyelah Merin ni dengan rombongannye. Rombongannye ni memang dide pernah nampak Merin tige hari belakangan ni. Kuat dugaan Pak Beluk langsung menuju rumah Merin.

“Huuuu, ce di mane kabah,” panggil Pak Beluk jak luar pagar rumah Merin.

Merin dide ndengar suare Pak Beluk, pintu rumah memang dikunci jak di dalam.
Bingunglah Pak Beluk ni, bulat tekat Pak Beluk langsung jenguk ke Polres. Setibe di Polres, Pak Beluk ni betanye-tanye ngah polisi. “Kenal dengan Mr kasus pencabulan,” tanye Pak Beluk.

Kemudian polisi ngarahkan ke ruangan penyidik. Sampai di ruangan penyidik, betanye Pak Beluk ini.

“Pak izin, ade ye namenye inisialnya Mr kasus pencabulan,” tanye Pak Beluk

“Ya, ada kenapa kamu keluargnya,” tanye balik polisi.

“Ya pak, saya keluarganya dari pihak ayah. Boleh saya ketemu inisial Mr,” pinta Pak Beluk dengan nada rendah.

Setelah betemu dengan Mr, Pak Beluk tekejut, lainnye Merin rupenya.

“Ngape kamu tekejut neman nian ni?” kate polisi.

“Ini bukan keluarga ku pak,” jawab Pak Beluk.

“Kate kabah tadi, keluarga kabah Mr ni, inilah die kasus pencabulan itu,” uji polisi bingung pule.

“Ini bukan keluargaku, salah jeme aku pak,” kate Pak Beluk. (rjs)




LEAVE A REPLY

Please enter your comment!
Please enter your name here