Beranda Cerita Pak Beluk Tegadai KTP

Tegadai KTP

72
0

MALAM kemaghi Pak Beluk, Lihin ngan Merin nemui Ujang Kericup. Raban ini ndak mintak tunjukah badah karoke ye alap dan banyak Pemandu Lagu (PL)-nye, maklumlah Ujang Kericup ni tahu gale badah-badah karoke ye luk itu.

“Ce mela tunjukan kudai kami ni bada karoke ye cete ngan banyak betine belagaknye. Kalu ade ye murah pule,” kate raban Pak Beluk.

“Yak ade duit kamu kambangan ni. Amun ndak ngandalkah aku saje dide kedege,” kate Ujang Kericup ye lah tahu sipat rombongan.

“Banyak ce, amun patungan kele cukup,” timbal raban Pak Beluk.

Pas sampai di lokasi karoke, Ujang Kericup ye la biase ngan lokasi tu langsung mesan room selame tige jam, ditambah PL empat.

“Nah puas-puaslah kamu bejoget,” kate Ujang Kericup.

Satu masuk dide ade remnye agi seminggenye raban Pak Beluk langsung bejoget ngan PL. Lah sampai waktunye tige jam tukang karoke manggil Ujang Kericup sambil ngejukkah nota raban selame di room dan bayaran PL-nye.

“Nah ini nota kite selame tige jam ni tadi,” kate Ujang Kericup sambil ngancakkah nota ye tetulis bejumlah hamper Rp 4 juta.

“Yak ce alangke besak titu, mati kite amun luk ini. Duit aku abis aku sawerkah tadi,” timbal Pak Beluk.

“Kaba luk ape Lihin ade duit dide?” kate Ujang Kericup agi.

“Ade, anye cuman Rp 150 ribu agi,” timbal Lihin.

“Nah luk ape kamu ni, kaba luk ape Merin ade tanci dide. Maluan kite ngan jeme amun luk ini ceritenye,” kate Ujang Kericup.

“Luk ini saje ce, malam ni kaba bayari kudai, pagi kami balikkah,” timbal Merin.

“Ai buyan gale kamu kambangan ni. Lah keruan dide betanci, mare degekah cak icak nak nge-room pule. Sini KTP kamu banyak ni, pacak kite gadaikah kudai ngan jeme karoke ni,” kate Ujang Kericup.

“Nduk ce abis nian muke kite mu luk ini ceritenye. Mpai nge-room sekali lah tegadai KTP,” timbal Pak Beluk sambil nggarut palak ndik gatal. (roh)




LEAVE A REPLY

Please enter your comment!
Please enter your name here