Beranda Cerita Pak Beluk Tebandar

Tebandar

286
0

PAK Beluk ngumpul ngah kantin, ngupi sambil makan juadah di warung ujung dusun. Sambil ngupi tu raban asyik ngobrol. Anye masing–masing mikir lukmane mbayar kele. Raban ni mulai saling putar otak untuk saling akali. Merin mulai dapat akal.
“Maaf nian kekantin, aku ade Wa njak kawan. Aku tinggal jerang, kele ke sini. Jangan nian kekamu banyakni bubar kudai,” kate Merin mulai kisit.
Nginak Merin luk itu, Ujang Kericup mulai gelisah.
“Ai ce, sorry nian. Aku dide tahan agi, kah ke WC buang hajat. Tunggu jerang aku balik agi kele,” Ujang melengit pule.
Taun mulai tambah gelisah.
“Pak Beluk, kaba sinilah kudai. Aku mbeli rokok, kaba kele aku belikah rokok. Jangan nian kisit, sebab dide bekance agi aku kele ngobrol di sini,” giliran Taun lengit.
Pak Beluk santai saje. Die pikir raban tu dide ngerjei. Tapi lah ditunggu sampai nambah kupi ngah juadah, raban tu dide ngelipat agi. Kenan mulai gelisah, sebab ndak mbayari.
“Na Pak Beluk mane raban ini tadi. Kupi ngah juadah belum ada mbayar, jadi kaba ye belum kisit. Tanggung jawab kaba gegalenye ni,” kate ibung ye punye warung.
Pak Beluk mendam, kenan pusing. Sambil bemumut kenan ngicik.
“Aiii…, kene aku kerjei ceritenye aku ni. Kalu mbandari rande lemak pule, kekalu ade balasannye,” Pak Beluk bemumut, sambil setengah tepakse ngeluaghkah duit jak kelepih. (mrn)




LEAVE A REPLY

Please enter your comment!
Please enter your name here