Beranda Cerita Pak Beluk Tangge Ajaib

Tangge Ajaib

52
0


PAK Beluk ukan main riangnye begitu diajak sanaknye ke Jakarta naik pesawat. Sebab seumur hidup Pak Beluk pertame kenan naik pesawat terbang. Waktu ditentukan lah sampai. Dade Pak Beluk dedantum antakah naik pesawat. Tambah waktu antakah naik, kenan ragu – ragu. Sebab dikinaki Pak Beluk jeme besepatu gale, kenan pakai selop jepit. Pikir Pak Beluk supaye sanak dide maluan, selop diselepitkah di bawah tangge saje. Turun kele dipakai agi, jadi di dalam pesawat jeme dide meratikah kenan.

“Malah Pak Beluk kite turun, lah sampai kite,” kate sanak Pak Beluk.

“Lah sampai. Dide kerasean nian naik tu ini. Santai nian, tambah banyak pule gegadis alap,” nimbal Pak Beluk.

“Yak lukmane tangge lah berubah ni,” Pak Beluk bingung.

“Ngape die ngurusi tangge berubah kabah. Ukan urusan kite, kah dirubah model tangge tu,” kate sanak Pak Beluk.

“Alangkah cepatnye jeme mbuat tangge ni. Ape sambil terbang tadi jeme betukang di pucuk pesawat,” timbal Pak Baluk.

“Oiii… kabah tangge tu lah disiapkah jeme di tiap bandara,” kate sanak Pak Beluk.
Pak Beluk bingung, kenan khawatir langsung begegas tuhun.

“Yak dide bedie agi,” Pak Beluk masih bingung.

“Ape agi kabah bingungkah?” tanye sanak Pak Beluk penasaran.

“Selop aku tadi diselepitkah antakah naik pesawat. Sebab selop aku karut jadi maluan mbatak naik ke pesawat,” uji Pak Beluk, polos.

“Aiii… cacam kabah, tangge dide ngikut terbang. Buyan nian kabah ni Bapang Yung. Selop kabah tinggal di tangge ye waktu naik tadi. Malukah saje kabah ni,” kate sanak Pak Beluk, payahan nahan tawe.

“Ukan salah aku, tangge ini mbuyankah aku,” keta Pak Beluk, masih bela diri. (mrn)



LEAVE A REPLY

Please enter your comment!
Please enter your name here