Beranda Cerita Pak Beluk Tande Sehat

Tande Sehat

120
0

MALAM Minggu kemaghi Pak Beluk ngah Ujang Kericup begabus sambil minum kopi di berende ghumah Pak Beluk. Lum lame tu datang pule, Merin ngikut begabus. Dang iluk saje, sambil begabus minum kopi ngah gorengan pisang masih gi angat. Sedang lemak begabus, Merin mulai tecium embau angit lagi masam, ngendap ninggi ngarah ke idung. Sesame nggup kalah raban ni, njak mane embau tu.

“Nduk bukan ade nye ngempisi busung kamu ni?” tanye Merin.

“Entah, ame aku dide,” timbal Ujang Kericup.

“Tambah aku tambah nian dide,” kate Merin nggup kalah kicik.

“Nah, mangke embau tape die setembak tini tibe-tibe muncul, medihkah mate pule setini,” kate Merin agi.

“Uii… mendamlah, minumlah kopi, makanlah gorengan tu. Mumpung masih angat, kalu lah dingin kele dide lemak agi. Dide ndak diributkah tape embau angit ni,” sintung Pak Beluk.

“Samelah Babang Yung, dide tahan aku dengan embau angit ni,” timbal Merin agi.

“Kamu ni buyan gale, ame kamu bedue dide gale merase tekentut dide agi ndak tanyekah. Di sini ni kan cuman kite betige nilah,” kate Pak Beluk njelaskah ngan raban.

“Aii mati gancang aii.. Pantas saje njak tadi kaba diam saje. Sekali tekentut angit kata ni,” Ujang Kericup mulai njauh dikit bada duduknye.

“Ame kate dokter, tekentut tu “Tande Sehat”. Kalu jeme udem operasi pasti diajung kentut kudai mangke dienjuk minum,” kate Pak Beluk sambil ngirup kopi. (roh)




LEAVE A REPLY

Please enter your comment!
Please enter your name here