Beranda Cerita Pak Beluk SIM Minjam

SIM Minjam

51
0

LUM lame ni Pak Beluk mpai udim mbeli motor baru. Kebetulan kenan ni lum ade Surat Izin Mengemudi (SIM) motor, anye ade kepentingan ndak pegi jauh juge. Karne kenan teringat Merin lah ade SIM-nye, laju kenan langsung ndatangi kancenye tu ndak minjam SIM-nye.

Karne lah bulih minjam SIM ngan Merin, kenan langsung tancap gas pegi. Sedang lemak-lemak naik motor di jalan, Pak Beluk betemu ngah polisi ye sedang razia kendaraan bermotor.

“Selamat siang Pak, bisa lihat SIM dan STNK-nya?” kate polisi.

“Ade Pak, kudai anye aku ambik kudai di dalam jok motor ni,” timbal Pak Beluk sambil ngancakkah STNK motor barunya ngah SIM motor atas name Merin.

“Kenapa bisa foto di SIM ini tidak sama dengan Bapak?” polisi curiga ngan Pak Beluk.

“Yak ukan die aku ye ade di foto itu, SIM aku ni pulihan minjam ngan kance di dusun tadi,” uji Pak Beluk luk dide besalah.

“Lalu kenapa bapak memakai SIM orang lain, Bapak telah melanggar tata tertib berlalu lintas,” polisi njelaska dengan Pak Beluk.

“Yak ngape kamu ye marahi aku ni pak? Merin kance ye aku pinjam SIM-nye ndik marah. Ame luk itu, sini mintak SIM ngah STNK motor aku tu, kele aku ye kene marah ngah Merin ame dide mbalikkah SIM motornye ni!,” timbal Pak Beluk sambil ngambik SIM ye lah di tangan polisi dan luk adak kenan pegi ngidupkah motornye ninggalkah polisi.

“Ui Pak ade ye tinggal,” kate polisi manggil Pak Beluk ye lah mulai bejalan.

Sate dikelipati Pak Beluk rupenye ye tinggal kate Polisi tadi surat tilang. Bene singgenye kenan. Surat motor kene tilang. (roh)




LEAVE A REPLY

Please enter your comment!
Please enter your name here