Beranda Cerita Pak Beluk Serba 10 Ribu

Serba 10 Ribu

46
0

Lum lame ni Pak Beluk ngikut kancenye Merin pegi ke kota seberang. Karne lum tebiase ngan serba serbi kehidupan di kota Pak Beluk mikut saje ape kate kancenye. Sampai di Kota tu Merin langsung ngajak Pak Beluk istirahat makan. Amun Merin tape lah biase ngan suasana kota. Jadi kenan langsung mbataki Pak Beluk makan di serba 10 Ribu.

“Kite istirahat makan kudai di serba 10 ribu ni ce. Ngape perut ku nih lah bemuni saje,” uji Merin ngajaki Pak Beluk.

“Nah jadi mun luk itu ceritenye ce. Anye ngape sangkan dikatekan serba 10 ribu tu ce,”

timbal Pak Beluk sambil cecungak nginaki papan merek jeme tu yang memang betulisan serba 10 ribu.

“Nah itulah kamu dide perna ke kota ce. Amun di kota ni segalenye ade. Ndak makan lemak ade restoran. Anye amun ndak makan kite biase uluk di dusun nyelahlah di serba 10 ribu ni. Disini ndak makan pakai gulai ape saje kite masih ke mbayar 10 ribu tula,” kate Merin njelaskan.

“Ui luk itu ceritenye awah,” sahut Pak Beluk sambil milih-milih gulai.

Karne asekan lemak gale oleh Pak Beluk dicicipnye galelah segale gulai tu. Gulai ikan mungkus ngambik sikuk, gulai pelus ngambik sekerat, gulai ikan emas ngambik sekerat, gulai ayam ngambik pule setepil, udim tu ngambik pule sambal udang ndak due ikuk.

Dikire Merin keruan ngan Pak beluk bahwe seporsi 10 ribu tu. Laju didiamkannye saje kenan. Pas waktu pembayaran ngangatlah Pak Beluk ngan jeme punye warung makan tu.

“Uji kate kamu serba 10 ribu. Ngengape pacak ndik aku nih tebayar 100 ribu nih,” uji Pak Beluk dide terime.

“Maaf nian bapak maksutnye serba 10 ribu tu, satu porsi 10 ribu, bukan seberape banyak bapak makan hanye bayar 10 ribu,” kate tukang warung njelaskan.

“Ai luk ape kaba nih ce, bukanye gulai dirumah sughang, gale mene gulai ndak dikecap gale. Yang namenye jeme bejualanan ndak untung. Amun kaba kecap gale anye masih ndak mbayar 10 ribu tula dide kegalak jeme bejualan nih,” kate Merin sambil mbayari makan die sekalian dengan makanan Pak Beluk. (roh)




LEAVE A REPLY

Please enter your comment!
Please enter your name here