Beranda Cerita Pak Beluk Senter Disco

Senter Disco

199
0

LUM lame ni Pak Beluk ngan Merin beghusik ke kota. Jeme due sekawan ni pas malam langsung bedalak badah jeme hiburan. Semingge lah bekeliling, akhirnye betemu juge. Satu sampai langsung jeme due ni nemui Satpam, untuk betanye lukmane care mbayar masuk. Setelah dijelaskan Satpam, due sekawan ni pacak masuk. Tapi pas masuk, Pak Beluk tekejut. Sebab, pas masuk lampu besak langsung mantaki muke kenan.

“Oiiiiii…..!!!! kaba ngape pule nyinteri muke jeme ni. Bebenar kudai, kami bedue udim bayar masuk tadi,” pekik Pak Beluk dide terime.

“Dim lah ce, kite duduk kudai. Kalu kele masih kina, lain pule ceritenye. Kite kinaki kudai, kalu jeme nyeter tu beramian. Kalu kite cume bedue belage kalu nanggung ige kite,” kate Merin nenangkan Pak Beluk.

Jeme due ni duduk, tapi karene posisi kursi pas nian dengan lintasan lampu. Dide lelame lampu tu lah mutar ke badah jeme due sekawan ni.

“Dide tetahan aku luk ini. Kele darah tinggi aku kalu lame duduk disini. Tukang senter tu sepanjang malam ni memutarkah lampu terus. Jeme banyak ni lah buyan gale. Mbayar mahal anye ndak nganingkan musik ngah kene senter. Kite keluar saje, biarlah rugi duit asal jangan buyan kite ce,” kate Pak Beluk dengan Merin.

Satu due sekawan ini keluar njak situ, Satpam langsung kebingungan. Sebab mpai masuk 10 menit jeme due ni lah keluar.

“Kenapa keluar cepat sekali Pak?? Kurang meriah apa ada hal lain yang kurang pas dihati???,” tanye Satpam itu bingung.

“Palak bapang kabah, jeme sini kah mbuyankan kami. Mpai masuk disintiri, duduk mbak itu pule. Mbudikah jeme tula badah kamu ni, mendamlah kabah,” timbal Pak Beluk sambil pegi.

“Orang gila kok bisa masuk Disco ya..??? Satpam tambah bingung. (roh)




LEAVE A REPLY

Please enter your comment!
Please enter your name here