Beranda Cerita Pak Beluk Selamat Sore Gulai Ayam

Selamat Sore Gulai Ayam

55
0

UPIK penakan Pak Beluk ye sebulan agi kah belaki, petang kamaghi belajar masak ngah Mak Beluk. Karne anak semate wayang, ditambah jeme tue tergolong berade. Sampai umur 23 tahun, Upik ni dide terti nggulai.

“Nah mbaini kaba letakkah belange ni pucuk kompor. Udem tu masukkah 2 sendok minyak manis, tunggu sampai panas,” kate Mak Beluk ngenjuk intruksi.

“Au.. ini minyaknye kah panas. Udem tu tape agi Cik,” tanye Upik ngah Endung Yung Pantit.

“Masukkah bumbu-bumbu ye tadi lah dipirik. Tumis ngut harum,” lanjut Mak Beluk.

“Amu lah harum masukkah santan au cik?” tanye Upik, pro aktif.

“Au nyelah… amu lah ndidih enjuk’i salam,” lanjut Mak Beluk.

15 menit kemudian kuah gulai mulai mendidih. Dengan polosnye si Upik mendekatkan muke ke arah gulai.

“Assalamulaikum.. Selamat sore gulai ayam,” katenye polos.

Nginak itu Mak Beluk lantas tetawe dan ngenjuk petunjuk ye benar.

“Hahaha.. ukane dienjuk’i salam luk itu. Maksud Mak Cik tu enjuk’i daun salam. Untung dik mutung dai alap kaba tu,” jelas Mak Beluk meluruskah.

“Cak masih belajagh Cik. Amu depan mentue kelak aku luk ini pacak maluan,” ujar Upik sambil lelinyum. (yie)




LEAVE A REPLY

Please enter your comment!
Please enter your name here