Beranda Cerita Pak Beluk Sekendak

Sekendak

70
0


PAK Beluk, Yung Pantit, Merin dan Ujang Kericup ni nginak bunge yang ditanam di depan kantor pejabat. Modus ble beempat ni ngajak ngobrol penjage kantor pejabat.

“Ui banyak bunge halap-halap di sini au yuk,” modus Pak Beluk.

“Au banyak nian, memang sengaje ditanam batan mempercantik kantor ni,” jawab penjage kantor, ye akrab disapa Upik Kecik.

“Ame iluk ini, de agi alap agi yuk, lah rimbun halaman kantor. Penuh ulih bunge gale seharusnye, dicapakah kudai dikit,” rayu Pak Beluk.

“Aiii dide, pacak kene mamung kami ulih bos kele. Nangkelah mangke bayak warna depan kantor ni,” balasnye.

“Ame aku bos kamu seandainye, lah ku bagi-bagikah bunge ni dengan warga. Lah rimbun nian, takut jeme ame masuk,” kate Pak Beluk agi.

“Yakk, ngape jeme takut masuk ke sini bukan kuburan tini,” jawab Upik Kecik.

“Au keruan aku, anye ame rimbun iluk ini kicikah jeme kantor ritual karne banyak bungenye,” balas Pak Beluk sambil tetawe.

“Udimlah jangan lah kabah kicikah iluk itu ce, dide boleh beduse kamu tu,” sintung Merin.

“Au ni ce, jangan kaba ngicik iluk itu, bunge ini tape merk au yuk. Dulu aku ade bunge tini, anye dimakan kambing. Bulih dide mintak bunge ye iluk rumput ni,” sekak Ujang Kericup.

“Ambiklah ame galak, asal jangan kamu batak gegalenye,” jawab Upik Kecik.

“Berarti bulih mintak tini yuk,” uji Pak Beluk.

“Ambiklah men ndik maluan,” celetuk Yung Pantit

“Hehehe, ambiklah dide ngape ame dikit,” kate Upik Kecik.

“Ame iluk itu, aku endak bunge dalam pot ini sutik yuk, batan bibai aku di rumah. Nye sedang ngidam bunge tini,” kate Ujang Kericup.

“Yak, jangan ngambik dengan pot nian kaba,” jawab Pak Beluk.

“Gilah ambiklah bunge itu, itu name ye bunge bugenvil, ambiklah,” kate Upik dengar bibai Ujang ngidam.

“Ai aku juge mintak bunge ye be pot tu,” kate Merin.

“Aku juge endak sikuk pakai pot, mangke mudah nanamnye,” minta Yung Pantit.

“Habis bunge ni, acaklah kamu malingi saje bunge di sini. Dide aku sakit hati ige,” kate Upik Kecik, lah nempelak.(rjs)



LEAVE A REPLY

Please enter your comment!
Please enter your name here