Beranda Cerita Pak Beluk Sekali Gesek Keluar

Sekali Gesek Keluar

66
0


KEMAGHI Pak Beluk ngajaki anaknye Yung Pantit ngambik duit di Anjungan Tunai Mandiri (ATM) salah satu Bank. Karne pai sekali tula nginak jeme ngambik duit di ATM, Yung bingung njak mane duit tu sakan pacak ngeluar.

“Banyak duit di dalam kotak ini berarti awu bak,” tanye Yung satu nginak duit keluar njak dalam mesin ATM.

“Yak awu banyak Yung, duit gale isinye ni,” timbal Pak Beluk.

“Nah amun luk itu ngapau ndik tiap aghi saje kite nggesekka kartu tu ke sini. Sekali gesek keluar duit. Sekali gesek keluar agi duit. Ndik kelame kaye kite bak,” kate Yung polos.

“Yak tape ndak digisikka amun duitnye lah habis,” kate Pak Beluk jujur ngan anaknye.

“Uji kate Bapang tadi duit gale isinye ni,” kate Yung makin bingung.

“Yak awu duit gale, anye ndik jeme gale pule duit tu. Amun ndik kite jelahlah kite ambik ni. Segalenye pule la ditarik ni,” Pak Beluk panjang libagh njelaska.

“Yak mpuk duit jeme kalu pacak ditariki ndik kah ngape bak,” kate Yung agi.

“Ai Yung-Yung. Gilame nian kaba ni. Itulah sangkan disekul dapat nol saje tu. Amun ndik jeme luk ape ndak nariknye,” Kate Pak Beluk mulai marahi Yung.

“Ah.. Kalu bapang tu nggub mbaginye ngan kami saje,” timbal Yung luk ndik besalah.

“Entah, kendak kabalah Yung. Mela kite balik njak sini. Ndik nginak jeme la panjang tegale ngantri diluartu. Maluka pule amun didengar jeme kele bahwe tanci kite la abis di ATM ni,” kate Pak Beluk sambil kisit ngajaki Yung balik. (roh)



LEAVE A REPLY

Please enter your comment!
Please enter your name here