Beranda Cerita Pak Beluk Same Buyan

Same Buyan

128
0

DESA tempat tinggal Pak Beluk berencana melakukan digitalisasi dalam segale kepengurusan administrasi desa. Kemaghi, kantor desannye kedatangan Sales Promotion Girl (SPG) ye menawarkan komputer serta ranggian kantor abad milenial. SPG tu praktek nian dengan raban tu, semingge Pak Beluk jadi bingung nginak papan ade hurup dengan angke juge tulisan.

“Amu pungsi tombol ENTER ni tape die dek,” tanye Pak Beluk ngah SPG.

“Kalau itu fungsi nye nak mempercepat Program komputer ni Pak,” jawab SPG.

“Mempercepat lukmane Dek,” Bapang Yung Pantit lanjut betanye.

“Mangke cepat kerjanya Pak. Kalau tulisannye ENTAR nanti jadi lame kerjanya,” timbal SPG agi.

“Masuk akal juge kate kamu Dek,” kate Pak Beluk sambil bejaju nyube laptop ye dibatak sebagai contoh.

“Ini aku betanye agi. Ini ku masuk browser, lah ku ketik Facebook.com anye dide muncul tape-tape,” Pak Beluk betanye agi.

“Bapak lah masukkah ‘www.’ sebelum Facebook.com ape belum,” SPG balik betanye.

“Oh itu harus awu Dek. Sebenarnye tape die ‘www’ tu,” tanye Pak Beluk.

“Tape lah awah. Anye amu Ndak masuk website tu harus masukkah ‘www.’ kudai Pak. Sejenis kode permisi titu. Mungkin singkatan jak Waalaikumsalam Warahmatullahi Wabarakatuh,” kate si SPG menjelaskan.

Merin ye sedari tadi merhatikah kedue ornag tu bercakap ngicik dalam hati mulai ngicik “Oiii bapang yung, kamu be due tu semegi saje. Computer kabah cukah itu dide ade sambungan internetnye, didekah bakal nyambung”.

“Aiii cacam, kalau mbak itu kabah bejual same buyan dengan aku ni dek,” kate Pak Beluk ringam. (yie)



LEAVE A REPLY

Please enter your comment!
Please enter your name here