Beranda Cerita Pak Beluk Salah Rekening

Salah Rekening

68
0

PAK Beluk ngah Ujang Keli lum lame ni ndaftar bantuan terdampak Covid-19 jak pusat. Bejigak ughang due ni ndaftar secare online. Seminggenye endik keruan siang ngan malam agi.

Ujang Keli ni ndik lame, langsung pacak ndaftar. Pak Beluk lah ndak seminggu endik pacak-pacak ndaftar. Kah meskil Pak Beluk ni. Kekadangan luk ndak kenan empaskah Hp.

“Amun ndak mbelikah aku paket data internet, sini aku ndaftarkah,” uji Ujang Keli sambil ngembusi pisang goring panas empai ditengahkah Mak Beluk.

“Nah…Daftarkah kudai. Lah pusing pule aku ndaftar ni endik pacak-pacak,” kate Pak Beluk sambil ngenjukan Hp.

Lah decit-decit saje Ujang Keli ndaftarkah Pak Beluk. Mahir juge nian Ujang Keli ni mun urusan internet ni. Tape amun beaghi-aghi main Hp tulah gawihan.

“Mane nomor rekening? Ndak nomor rekening jeme ngenjuk bantuan ni,” kate Ujang Keli.

“Ndokk endik bedie. Lukmane titu awah?” Pak Beluk bingung agi.

“Udimlah, pakai nomor rekening aku saje. Ye penting daftar kudai. Kele abis waktunye,” uji Ujang Keli.

“Yak gila amun pacak. Anye lukmane duit bantuan tu kele? Masuk rekening kaba gale,” Pak Beluk setengah pasrah.

“Ui tenang saje. Taruklah bagi due ape bagi tige duit bantuan kaba kele. Resiko endik bemodal ngan ndik bekesandikan dikit nunggu denie ni. Anggaplah potong pajak ngan fee-nye ce. Endik bedie gratis nunggu denie ni Pak Beluk,” kate Ujang Keli.

“Aii mak…Due kali rugi aku tu. Mane ndaftar lah ngupah, mane dipotong pajak ngah fee pule. Itulah nian nasib amun endik sekul tinggi ni,” uji Pak Beluk sambil ngajung Endung Yung ngitung pisang goring ye dimakan ngah Ujang Keli.(sip)




LEAVE A REPLY

Please enter your comment!
Please enter your name here