Beranda Cerita Pak Beluk Salah Penginakan

Salah Penginakan

24
0

LUM lame ini Yung Pantit ngah Yung Panjang ngerayau ke Jembatan Padang Guci. Ame katenye ndak cuci mate.

Ceritenye Jam 15.00 WIB, Yung Pantit lah besiuk baju alap, besepatu kidau belah, ngingkol motor ndepatkan Yung Panjang. Ghumah Yung Panjang dide jauh nian njak di Ghumah Yung Pantit, sekitar 100 Meter.

Bejalan nian Yung Pantit ke Ghumah Yung Panjang satu sampai langsung manggil.

“Oi Panjang malah bejalan, kele abis parfum aku ni nunggu kaba,” panggil Yung Pantit.

“Kudai jerang agi, aku masih ndubi baju, tunggulah dide kah lame,” timbal Yung Panjang.

Gegupuhan saje Yung Panjang Ndubi maju, gumbak di lantak ngah minyak urang aring, kalu lalat nginggap cete tegesur saking licinnya.

“Nah malah, anye ngenginak, kalu ade beteri mandi singah jerang,” gurau Yung Panjang.

“Mane ade Panjang beteri mandi, pisang lum masak,” tetawe Yung Panit ngah Yung Panjang.

Ngebut saje bemotor grandong Yung Pantit ngah Yung Panjang jejalan ke Jemabatan Muare Padang Guci.

Satu nyampai lah katah nian budak gadis, ade ye bepirang, ade ye lipstrik tebal ade pule awak lanang njadi betine.

“Oi Panjang kaba ndak nginak alangkah alap budak tu, idung mancung, dagu runcing, mate agak sipit, putih pule, malah kite dampingi,” kate Yung Pantit.

Bejalan nian Yung Panjang ngah Yung Pantit luk ayam lanang ngengitir ngah ayam bay, satu nyampai disesepadei, putih ngah bedak, mancean betine didampingi jejadian.

“Haha, salah penginakan kite tadi,” sambil ngakak Yung Pantit ngah Yung Panjang tetawe.(pin)




LEAVE A REPLY

Please enter your comment!
Please enter your name here