Beranda Cerita Pak Beluk Salah Masuk WC

Salah Masuk WC

61
0


AGHI Minggu kemaghi Pak Beluk ngan kancenye Merin pegi jejalan ke badah wisata jeme kota. Waktu santai sambil menikmati wisata, Pak Beluk dide tahan agi ndak buang aik.

“Ce, aku ke belakang kudai jerang. Dide tetahan agi aku ndak mbukak keran kudai,” kate Pak Beluk.

“Keruan kabah badahnya,” timbal Merin.

“Yak madakah nian kabah ni. Empuk aku ni jeme dusun, masih ngerti badah tu,” kate Pak Beluk agi.

Pak Beluk tingal belari-lari kecik ke arah belakang. Sampai belakang kenan dide ade tebace tulisan WC. Ye ade cuman tulisan Toilet di sudut bangunan jeme tu.

“Ntuk ke mane agi buang aik ni wuii,” kate Pak Beluk dalam hati.

Sebab dide tetahan agi kenan masuk saje ke ruangan itu. Cecepatan nian kenan keluar njak toilet tu. Sebab kenan takut ade jeme nginak dide masuk situ.

“Ai rusak nian ini ce. Betul nian kate kaba tadi ce, aku dide keruan badahnye,” kate Pak Beluk mbisiki Merin takut jeme lain ndengar.

“Yak ngape pule pacak luk itu ce,” jawab Merin.

“Sepanjang dan selibagh wisata ini lah bekedudak aku kelilingi. Anye dide ade tulisan WC. Ye aku tebace cuman toilet saje di ujung tadi,” kate Pak Beluk sambil nggiling-nggiling.

“Karene aku dide tahan agi ku masuki juge bada tu. Di dalam toilet tu cuman ade kotak kecik beisik ayik dikit,” kate Pak Beluk agi.

“Nah udim tu kabah luk manekah tadi,” tanye Merin sambil lelenyum nahan tawe.

“Aku kemihkan dalam kotak itulah tadi. Tapi jangan nian kabah ceritekah ngan sesape aku salah masuk ndak kemih ke WC laju tekemih di toilet,” kate Pak Beluk serius. (roh)



LEAVE A REPLY

Please enter your comment!
Please enter your name here