Beranda Cerita Pak Beluk Salah Kirim

Salah Kirim

50
0

PAK Beluk PD (percaye diri) nian. Sebab kenan makai HP model baru. Anye kenan belum mahir nggunekannye. Bayak WA salah kirim, petang kemaghi kenan ngirim WA tulisan mesra.

Sambil sesiul Pak Beluk balik ke ghumah. Sebab balasan WA itu mbuatnye riang dibace jeme dituju, anye belum dibalas. Anye sampai di ghumah kenan nginak muke Ndung Pantit cerah nian. Kenan penarasan ngape muke jeme ghumahnye bebede jak biasenye. Penasaran kenan betanye.

“Ngape kabah cerah nian petang ini ndung Yung?” kate Pak Beluk.

“Kabah kini makin tue makin pacak nian ngerayu aku,” sambil lelinyum ndung Yung Pantit Tekejut Pak Beluk. Tapi untuk nutupi gugupnya nimbal kenan.

“Ngerayu lukmane aku dengan kabah ndung Yung?” tanye Pak Beluk.

“Mase dide keruan, kabah tadi WA aku kan. Pesan di WA tu mbuat aku riang nian,” kate ndung Yung.

Setengah mati Pak Beluk tekejut. Semingge dide pacak nutupinye ketekejutannye.
Nginak gelagat lakinya, ndung Yung mulai curiga.

“Ngape kabah cak tekejut aku kicikan tulisan WA tadi. Ade ye salah nampaknye. Jangan – jangan tulisan itu kabah buat untuk jeme lain, tapi salah kirim,” Endung Yung, mulai natar.

“Dide abi. Memang ndak kabah nian Ndung Yung,” timbal Pak Beluk.
Nganing kicik lakiye meyakinkan.

“Nguk nian ape, ape nutupi kesalahan saje?” Mak Beluk, masih curiga dikit.

“Nian ndung Yung, aku sayang nian ngan kabah. Saking sayangnya sampai tepelalu,” kate Pak Beluk cak mesra.

“Pacak kabah merayu aku, empuk kite lah tue,” uji Mak Beluk.

Empuk kesal, dalam hati Pak Beluk riang juge karene bininye pacak tebudi.(mrn)




LEAVE A REPLY

Please enter your comment!
Please enter your name here