Beranda Cerita Pak Beluk Salah Kamar

Salah Kamar

70
0

PAK Beluk anak beranak temalam ghumah adingan. Kenan riang nian bekumpul dengan keluarga besak. Lah udim makan malam, lah lame ngobrol kini mate Pak Beluk lah ngantuk. Lah udim base basi, Pak Beluk mulai ndalaki kamar untuk die anak beranak. Kenan anjam nian, waktu masuk kamar selain dipannya besak. Kasur di kamar ini juge alam nian.

“Mantap nian ghumah adingan ini, untuk tamu saje kamarnye alap nian,” kate Pak Beluk dalam ati.

Lah lame die niduki kasur ini, anye ndung Yung Pantit belum juge masuk. Dalam ati Pak Beluk alangkah tahannye bininya ngobrol. Sedang terus asyik bepikir Pak Belum dikejutkah suare.

“Ngengape kabah tiduk di sini bapang Yung,” kate ndung Yung Pantit.

Agak tegagau Pak Beluk njawab: inikan kamar disiapkan untuk kite anak beranak.
Nimbal ndung Yung Pantit: ini kamar adingan, raban tu dide berani masuk untuk tiduk. Sebab kabah lah ngeram di kamar ini.

“Oii bebenar kudai ndung Yung. Jangan saling pusikah kabah,” sebut Pak Beluk.

“Bapang Yung ini kamar adingan, kabah asak galak masuk saje. Kabah salah masuk kamar, kel jadi balak,” tegas ndung Yung Pantit merengut. (mrn)




LEAVE A REPLY

Please enter your comment!
Please enter your name here