Beranda Cerita Pak Beluk Salah Edit Foto

Salah Edit Foto

66
0

PAK Beluk kini lah tampak tegagah. Sebab kenan lah beli HP layar sentuh. Kenan pun semakin percaye diri (PEDE) waktu ngobrol ngeluaghkan HP di muke kekantin. Tapi kenan belum pacak ulek jeme mbuat foto ye ditambah reranggian begaya. Muke ye temulus wajah pacak tebentuk. Kalau lah pacak kenan berencane ngedit foto endung Yung Pantit. Udim tu kah dikirimkan kenenan ke Wa endung Yung.

“Aku masih bingung lukmane ngedit foto supaye alap,” kate Pak Beluk ngeluh dengan Merin.

‘’Gampang nian itu ce. Sini aku ajarkah kabah lemak pacak,’’ jawab Merin.

Nganing luk itu Pak Beluk becepat agak merapat ke Merin.
‘’Cukah ka kudai kawan. Tapi jangan kabah ceritekan dengan kekantin ye lain,’’ kate pak Beluk.

“Aman itu asal ade uang rokok,” kate Merin.

“Tenang saje, rokok ape kabah tinggal sebut,’’ timbal Pak Beluk.

Konsentrasi penuh Pak Beluk memperhatikan Merin care ngedit foto. Seminggelah beulang – ulang merin parektekah cara ngedit tu. Sampai Pak Beluk ngicik: aku keruan aku ce. Aman kalu mbak itu care ngeditnye.

Pak Beluk langsung ngedit foto di HP die. Lah alap nurut kenan langsung dikirm dengan Yung Pantit. Pikir kenan pasti Endung Yung senang nian. Pak Beluk balik ke ghumah, tekinaknye Endung Yung sedang duduk di pinggir duare.

‘’Alapkah foto kabah ye aku kirim tadi,’’ kate Pak Beluk.

Nganing kicik lakinye Endung Yung langsung tegak ngambik sapu sambil mekik.
‘’Mentang – mentang aku lah tue kabah kirim foto beghuk nian. Kini ape kendak kabah bapang Yung,’’ kate Endung Yung Pantit.

Nganing foto beghuk Pak Beluk bingung langsung merikse HP.
‘’Aaiiii cacam Endung Yung, salah edit foto itu. Foto alap ke aku kirim tadi,’’ kate pak Beluk. (mrn)




LEAVE A REPLY

Please enter your comment!
Please enter your name here