Beranda Cerita Pak Beluk Salah Batak

Salah Batak

66
0

PAK Beluk purik, sebab lah sampai ghumah udim pekan bininye salah ambik barang. Semingge Pak Beluk harus balik ke pekan agi nukarkan belanje ndung Yung Pantit. Nempecung Pak Beluk macu motornye ke pekan, takut jemenye nutup. Sampai pekan, Pak Beluk langsung ke badah belanje tadi.

“Ngape mang, nampaknye tegegese nian. Ade ye salah dengan barang yang dibeli,” kate jeme bepapasan dengan Pak Beluk.

Timbal Pak Beluk sambil bejalan: “Au, kerje bini belanje dide sempade. Asal ngambik barang saje, akhirnye salah batak,”.
Belum jauh Pak Beluk bejalan tangannye dikecaki jeme. Kenan langsung ditanyei: “Maaf pak, bapak tadi ngomong apa. Saya tidak kenal bapak, jangan asal ngomong,”.
“Maksud kabah ape, aku dide kenal nian kabah. Aku nginak kabah mpai sekali nilah. Ngape kabah ngengawai tangan aku ini,” Pak Beluk mulai ngangat.
“Bapak tadi ngomong salah batak, emang saya salah apa dengan bapak,” kate jeme dide dikenal Pak Beluk.
Ngegas Pak Beluk: “Au nian, bini aku salah batak barang jeme. Ape die hubungan dengan kabah, kele balak. Lepaskah tangan kabah ini,”.
Ade jeme datang langsung nerangkah: “Maaf pak, istrinya salah ambil barang. Bahasa sini salah ambil itu salah batak. Bukan menyalahkan bapak orang batak,”. (mrn)




LEAVE A REPLY

Please enter your comment!
Please enter your name here