Beranda Cerita Pak Beluk Rugi Ribut Ngah Bini

Rugi Ribut Ngah Bini

86
0

LUM lame nih waktu bulan puase, Pak Beluk dengan bininye Ndung Yung beribut besak. Udim tu due laki bini ini sediaman. Pak Beluk lah mulai bingung dan agak setengah nyesal lah ribut ngan bininye. Sebab kenan rencanenye ndak puase paginye.

Kalu lagi beribut pasti didekan galak Ndung Yung mbangunkan. Awak selame ini Ndung Yung tulah ye bangunkan dan nyiapkan makan sahur Pak Beluk. Anye kalu lagi beribut pasti didekan mungkin Ndung Yung mbangunkan. Pak Beluk ndak ngicik ndulu dide mungkin pule. Sebab, kenan dide ndak ngalah udim tu kenan lagi marah nian.

Karne bingung kenan tepikirlah luk ape carenye mangke Ndung Yung keruan bahwe dide mintak bangunkan. Kenan langsung ngirim SMS dengan bininye.

“Ma bangunkan ayah sahur kele,” uji isi pesan Pak Beluk.

Anye pas tebangun akap paginye Pak Beluk tekejut bukan main pas nginak jam lah jam 5 pagak siang.

“Aii udim dide jadi aku besahur amun luk ini ceritenye,” uji Pak Beluk dalam hati.

Pas bukak HP Pak Beluk nginak pesan balasan bininye.

“Ayah bangun, Yah bangun, bangunlah Yah sahur, uji mintak bangunkah. Aghi ni lah jam 3 lebih jerang agi imsak. Nah lah empat kali aku bangunkan kamu Yah, nasi gulai lah kusiapkan pule,” itu bunyi pesan bini Pak Beluk.

“Ai badan aii. Jangan rajin aku beribut ngan Ndung Yung nih kalu luk ini ceritenye,” kate Pak Beluk sambil nggarut palak. (roh)




LEAVE A REPLY

Please enter your comment!
Please enter your name here