Beranda Cerita Pak Beluk Rezeki Sapi

Rezeki Sapi

52
0

HAYU kemaghi Pak Beluk dengan kancenye Merin mancing ke Pantai Cuko. Singkat cerito, sebelumnyo Merin ngajak Pak Beluk mancing. Pas jam 06.00 WIB, Merin meluncur nemuni Pak Beluk, tepati janjinye pakai motor de begigi.

“Pakai motor aku saje mancing, masalahnyo jalan ke Pantai Cuko kini banyak belumpur,” Pak Beluk, nawari.

“Lasung, tapi aku ndak duduk di belakang saje sambil besiul,” uji Merin.

“Mancing ni mangke cete pakai umpan udang, udimtu beli buak /kue cak Rp 5.000,” kate Merin.

“Aku beli udang, mu beli buak,” timbal Pak Beluk.

Masuk lokasi pantai, motor Pak Beluk hampir saje tegelincir, jalan belumpur mane badan Merin besak kata.

“Ai cacam ampir kite tegelincir, ngape pule jalan iluak kubangan kebau ni. Dide lasung amen ndak dibuat objek wisata, mane pule penuh dengan kebau ngan sapi,” uji Pak Beluk.

Pas lewat jalan belubang, motor Pak Beluk mati alias macet.

“Ai ngape motorni biasenye de pernah macet, minyak banyak, ngapelah,” uji Pak Beluk.
Mulai Pak Beluk keluarkan jurus berlian. Dikinaknyo bawah motor, tutup businye lepas.

“Tutup businye lepas, mane pule ndak hidup,” kate Pak Beluk sambil nggiling palak atasnye.

“Adu amen iluak itu, pacak kite berangkat agi,” timbal Merin.

Sampai pinggir pantai, Merin lah mulai mancing, celicit saje ngangkati ikan karang.

“Buak kite ni letak mane?” tanye Pak Beluk.

“Basinglah, nye penting aku lah makan sutiak,” uji Merin.

“Aku kaitkan buak kite ni di atas ranting kayu ni,” Pak Beluk berinisiatif.

Lagi asyik mancing, ade datuk-datuk lagi melintas tegaik peci udim.

“Buak dipepak sapi, buak dipepak sapi…!”

“Dide ngape, rezeki sapi itu namenye tuk,” Pak Beluk, luk adak nimbal.

“Ai, asenye masih kurang makan buak tadi. De nian kah jadi jeme sapi ni. Buak tegerintung undak plastiknye dipepak gale,” Merin, kesal. (man)




LEAVE A REPLY

Please enter your comment!
Please enter your name here