Beranda Cerita Pak Beluk RAPOR MERAH

RAPOR MERAH

49
0

KEMAGHI Yung Pantit jadwal nerime rapor akhir semester.

“Yung kabah pagi nerime rapor?,” kate Bapang Yung

“Au bak” jawab Yung.

“Nide diwakilkan dengan jeme tue” tanye Pak Beluk Agi

“Sebenarnye diwakilkah, tapi kalau bapak bekerje biarlah aku ngambiknye,” kate Yung

“‘Udim, pacak kabah tulah” kate Bapang Yung

Paginya pegi Yung ke sekol.
Lah udim diambik Yung rapornye, Yung bandingkan dengan rapor bapaknye waktu SD.
Petang balik Bapang Yung kak kerje.
Udim makan malam kene panggil Yung dengan Bapangnye.

“Yung, Mane rapor cube nginak kudai” kate Pak Beluk.

“Au aku ambik kudai,” jawab Yung.

“Nah ini na,’ lanjut Yung, sambil ngenjukan buku rapor.

“Yak Yung, ngape abang gale hasil rapor ni” kate pak beluk

Mulai Pak Beluk Bejijih. Ngicikah Yung Pantit dide belajarlah, buyanlah.
Ndengar Yung sedang marahi. Endung Yung keluar njak kamar.

“Ngape kamu due beranak ni rebut-ribut,” tanye endungnye.

“Nah anak kabah ni nilai rapor abang gale,” kate Pak Beluk, mulai ndak nyalahkan Ndung Yung.

“O…Ngape sampai luk itu Yung” tanye endungnya

“Itu bukan rapor aku mak, itu rapor bak dulu. Tadi kudapat didalam lemari baju,” timbal Yung, luk adak.

“Kalu rapor aku ini mak, endik die abangnye,” kate Yung, sambil ngenjukan rapornye ke maknye.

“Yak ngape die dide ngicik jak tadi,” timbal bapang Yung cecigih maluan.(ujr)




LEAVE A REPLY

Please enter your comment!
Please enter your name here