Beranda Cerita Pak Beluk Ranggian Kumuh

Ranggian Kumuh

283
0

PAK Beluk ringam nian, sebab ndung Yung Pantit lah tige malam manjau sanaknye. Semingge kenan tepakse masak dewek di ghumah. Ditambah purik agi, batan gulai ndik bedie. Selain itu ranggian kumuh di dapugh lah bejibun, dide die dibasuhi. Kenan malas nian urusan dapugh tu. Waktu ndung Pantit balik langsung riuh. Sebab ranggian dide teurus baik di ghumah.

“Nduk Bapang Yung , kumuh gale ranggian ini. Bebasuh ranggian kalau udim dipakai,” kate ndung Yung Pantit merajuk.

Nimbak Pak Beluk : salah kabah lame nian pegi njak ghumah. Masih untung ranggian kumuh.

“Tape maksud kabah ngicik mbak itu. Ape ade yeain bakal kumuh,” kate ndung Yung Pantit.

Tambah ndung Yung Pantit agi: cacam, ranggian impanan aku lah dipakai asal pule. Ngerusak tulah kabah pacaknye, ngurusi ye lah ade dide pacak nian.

Dide galak kalah kate Pak Beluk masih nimbal: ranggian dapugh ye kumuh masih lemak diurusi. Dibasuhi pakai sabun atau mama lemon udim, bersih gale. Dide pule kah ringam nian.

“Inilah kabah bapang Yung, dide nian kah kalah kate. Ape ade ye lain sulit semingge ngicikah mudah ranggian kumu,” kate ndung Yung Pantit.

“Kabah dide tahu, ye penting itu ranggian aku lah kumuh empat malam. Dide badah mbasuhinye, kabah dide paham. Utak dide konsentrasi dide lemak gale urusan,” kate Pak Beluk mulai ngamuk. (mrn)




LEAVE A REPLY

Please enter your comment!
Please enter your name here