Beranda Cerita Pak Beluk Pintu Surga Lain

Pintu Surga Lain

54
0


PAK Beluk kini agi pusing kini, kenan kene masalah keluarga ye besak. Masalah ini akibat kelalaian kenan dewek. Kenan Agi ribang dengan jeme lain selain ndung Yung Pantit. Kenan terus mbujuk ndung Yung Pantit supaye jangan ribut Agi. Kenan lah dide bakal ngeidolakan jeme lain selain ndung Yung Pantit.

“Aku tu memang salah, aku mintak maaf. Jangan agi ribut kite,” kate Pak Beluk ngicik.

“Kabah tu ye salah perasean. Awak tue pacak nian uluk jeme bujang, pakai nyanting segale,” timbal Merin.

“Kalau lanang tu dide salah kalau bebini lebih sutik, secara agama dide bedie larangan,” kate Pak Beluk.

“Pacak ige kabah ngicik, cak jeme malim nian. Ustad ye lah pacak ceramah dide gegalenye bebini due. Ape agi kabah ye dide lihai ceramah, jangan cecangkah bapang Yung Pantit,” kate bini Pak Beluk ketus.

“Oiii ndung Yung, kalau bini ridha ngajung laki bebini itu ade keistimewaan ye didapatkan. Kalau Solehah akan diberikan peluang masuk syurga dengan melalui pintu ye die sukei,” Kate Pak Beluk mbujuk.

“Aku dide perlu. Banyak duaghe masuk syurge. Cukup aku dalak sikuk duaghe saje kalu masuk syurge, asal dide dimadu,” kate ndung Yung. (mrn)



LEAVE A REPLY

Please enter your comment!
Please enter your name here