Beranda Cerita Pak Beluk Penyandang Dana

Penyandang Dana

61
0

PAK Beluk masih asyik nian nonton musik di badah kawan ya anaknya kagukan. Ape agi artis ye mude – mude ade ye mpai sampai, ade juga baru benyanyi. Geli badan kenan untuk gejoget. Anye die tahu kalau joget dengan artis bakal balak. Sebab ndung Yung Pantit ngikut ke acara ini. Sedang asyik nginak artis tu, tetibe ndung Yung lah ngajak balik. Tepakse kenan aukah saje, ngeciki balak. Sampai di parkiran ketemu kekantin baru sampai. Ujang, Merin ngan Taun.

“Nduk ce, alangkah cepatnya balik,” tanye Ujang Kericup, ye memang lah tekenal di kalangan artis.

“Kami baru saje sampai, sesuai janji kite. Kite bejoget kudai, mudekah tulang,” tambah Merin, ye raje panggung ni.

“Lah malam ce. Aku dengan ndung Yung, dide lemak bejalan malam nian,” timbal Pak Beluk pelan, sambil ngenginak kea rah ndung Yung.

“Itu alasan kabah saje, ye bebenagh kudai Pak Beluk,” kate Taun nimbal sambil lelinyum.

“Ye benagh tu yang mane bapang Yung,” tambah Merin.

“Malah pule balik, terus ngobrol dengan raban ni,” timbal ndung Yung tetibe.

“Naaa, itu die buktinye kabah. Ape aku katekah, bapang Yung ni cuma serem saje wajah. Hati penuh dengan rasa keibuan,” gurau Merin.

“Tepakse nurut kudai ce, sebab kite kini pakai penyandang dana,” kate Pak Beluk cecingih. (mrn)




LEAVE A REPLY

Please enter your comment!
Please enter your name here