Beranda Cerita Pak Beluk Penakhluk Marah

Penakhluk Marah

65
0

ANTAKAH lebaran aghian tu Pak Beluk buke besame dengan kekantin di rumah kenan. Ndung Yung Pantit due beranak sedang pegi ke kota, belanje pakaian reraye. Sedang sedap ngupi, Yung Pantit sampai dengan ndungnye pakai travel. Sibuk Pak Beluk mbataki ranggian bibainye masuk. Kekantin kenan santai nginak saje.

“Aalut aku dengan kabah ni Pak Beluk, sayang nian dengan bibai,” uji Merin.

“Tape pule kewajiban nulungi bini tu. Mase mendam saje nginak bini sibuk begawih,” sintung Mak Beluk.
Pak Beluk nyengir saje.

“Ukan sayang sebenaghnye. Tapi takutan kantin kite tu,” timbal Ujang Kericup.

“Au nian, pacak jadi kicik kabah tu benagh,” sambung Merin.
Panas juge Pak Beluk nganing kicikan kekantinan tu. Kenan mbela diri.

“Aku dide pernah takutan dengan bini. Tanyelah dengan jemenye langsung. Tapi ye mbuat aku bingung ade dikit. Lukmane kinah aku rengam, marah ngah ndung Yung, dide takutan die dengan aku, jadi mbingungkah,” balas Pak Beluk.

“Ngengape pule ketakutan dengan kabah. Kalau kabah udim pusing masih kah itu-itu saje kendak kele,” jawab ndung Yung sambil ncibir.

“Aii… cacam, preman ndung Yung ni kalau luk itu. Dide takutan dengan kabah marah. Karne ndung Yung tu ade penakhluknye,” kate Ujang Kericup sambil tetawe kecil.(**)




LEAVE A REPLY

Please enter your comment!
Please enter your name here