Beranda Cerita Pak Beluk Pak Beluk Melengit

Pak Beluk Melengit

120
0

MALAM kemaghi Pak Beluk main dom diajak ngah merin di ghumah jeme kagak’an. Tape lah pagak siang sekitar jam empat lum kinah balik Pak Beluk.
Diteleponlah Pak Beluk ngah bininye.

“Masih kah balik? Kalu lum kah diantati kain belangkit pede ngah bantal bepeta,” kate bini Pak Beluk.

Gegidik kenan balik ke ghumah bebelaghi kecik. Sampai di ghumah sambil merunsing ninjal duaghe Pak Beluk ndulu marah ngah bininye.

“Tape kekendak’an dengah? Ku cakaghkah sikuk agi kele!” marah Pak Beluk.
Jawabnya ngah Nduk Beluk.

“Kisitlah ame kah dapat luk aku ni. Dide nian berupuk’an kaba ni, awak ambik anak,” timbal Nduk Beluk.

Pak Beluk kisit njak di ghumah. Ndak mbeli rokok sebatang kiah ngutang kudai.

“Ai cacak melengit saje kah ku kucaki ndung Yung Pantit. Mangke keghasean ngah dengah,” rupukan Pak Beluk.

Sate Pak Beluk kisit lah malam aghi pule dide balik. Ibur maur sedusun cakaghinye. Dukun lah banyak datang. Ade ye ngatekah besimbun di bawah gaghang jeme, ade pule lah bawe mak sumai. Tesuntuk adik sanak. Akhirnye kate adik sanak lemak balik saje. Pagi ngulang agi.

Adelah merin bejalan akapan ndak ke kalangan. Ngendap-ngendap Pak Beluk balik ke ghumah. Tegauk Merin.

“Oi… Pak Beluk lah nimbul. Menghudap kenan njak di belakang ghumah, kalu dide sihat niat titu,” Merin tegauk.

Ade ye lah mbawe tali, ade pule ye lah mbawe karung ndak ngipuk Pak Beluk.

“Gi sehat aku ni, ngape pule kamu ni,” Pak Beluk tegaik, nginak rombongan ndak nangkap kenan.

“Ke mane puke kaba ni bigal? Lah semalam ragat adik sanak ncakaghi,” merin marah.

“Biase… Bebalah ngah jeme ghumah gegara main dom balik malam, “ timbal Pak Beluk.(cw1)




LEAVE A REPLY

Please enter your comment!
Please enter your name here