Beranda Cerita Pak Beluk Obat Cekukan

Obat Cekukan

59
0

KARNE telambat minum saat makan kue lebaran, mak Beluk jadi cekukan. Lah beragam care dilakukan mangke hal tersebut lengit. Mulai jak minum ayik sampai digagaukah dengan Yung Pantit. Nginak bininye cekukan, Pak Beluk ye mpai balik jak warung lantas betanye.

“Kaba ye ngambik duit aku di pakik celane ye ku pakai semalam Endung Yung. Cak kaba ye nesahnye akap tadi?” tanye Pak Beluk beruntun.

“Adak dide bedie bai.. Lah ku ghabali gale pakiknye. Dik bedie nemu tanci aku. Ye ade penekil saje dalam dompet tu,” jawab bininye.

“Ude kaba tulah ye ngambiknye. Sini balikah aku batan beli rokok ngah minyak motor pagi. Ate ndik tau nginak duit kaba ni,” kate Pak Beluk.

“Oii… dide aku ngambiknye!” Mak Beluk naik darah.

Panjang rombongan ni adu argumentasi, bedebat kasir. Dan pada akhirnye Pak Beluk ngicik.

“Lah dide cekukan agi kaba ni? Lah ghadu rupenye,” kate Pak Beluk sambil senyum.

“Tape die kaba ngalihkan pokok bahasan ni. Pokoknye bukan aku ye ngambik duit tu,” Mak Beluk masih emosi.

“Nahh… aku jelaskah. Kamu ndik tertikan kalu emosi tu pacak ngilangkah cekukan. Ini tadi aku ngajung kaba marah, cak lengit cekukan kaba. Hehe,” jelas Pak Beluk.

“Udem ehh aku nak tiduk siang kudai,” kate bibainye sambil mangut. (yie)




LEAVE A REPLY

Please enter your comment!
Please enter your name here