Beranda Cerita Pak Beluk Nyawer Artis

Nyawer Artis

38
0

DI Dusun laman ade ye kaguan, siangnye mbatai daging kebau setiangnya 100 ribu. Njak dihasil daging kebau, Pak Beluk dapat duit Rp 60 ribu.

“Ai jadilah ndik batan nyawer artis malam kele,” kate Paka Beluk gabusi Merin.

“Ndikok 2 pancang dapat Rp 120 ribu, kah kutukar 5000-an gale,” timbal Merin.

Sambil ndengar jeme melilang kebau, Pak Beluk ngah Merin dapat bagian kukutnye. Batan ngesop kukut kebau. Mangke antakah nyawer malamnye pacak semangat.
Lum malam nian Pak Beluk ndak beghusik ngah Merin. Kah besiap-siap nyawer artis, cerite njak di Curup.

“Cepatlah juge Merin, ceritenye artis njak di Curup. Besak tinggi semampai, putih badannye luk umbut,” Pak Beluk ngupuhkah Merin.

“Payu bejalan kite, cete banyak saingan malam ni,” kate Merin gegupuhan.

Nyampai di badah njeme bekaguan, organ lah cakguntum saje. Dide nganju Pak Beluk meghantut mikropon ndak beyanyi ngah artis.

“Oke. Saya akan membawakan lagu yang berjudul Mata Air Kehidupan,” uji Pak Beluk luk cete nian.

“Mene die artis njak di Curup, kantini kudai mamang ni benyanyi,” pintak pembawe acara.

Betegak nian artis, betegak pule Mak Beluk nginak Pak Beluk nyawer artis. Langsung naik panggung pule Mak Beluk, meghebuti duit Pak Beluk ye batan ndan saweran artis.

“Anak saje ndak melanje dide kaba njuk’i, mangke kaba ngenjuk kerbai jande ni,” Mak Beluk mekik, sambil miut cuping Pak Beluk.(pin)



LEAVE A REPLY

Please enter your comment!
Please enter your name here