Beranda Cerita Pak Beluk Nomor Gajah

Nomor Gajah

107
0

UNTUK keamanan keluarge, Pak Beluk tepakse mbelikah ndung Yung Pantit HP android. Semingge kini ndung Yung lah pacak fecebook dan Wa. Pak Beluk lah lege juge, sebab HP kenan dide pernah ditetor ndung Yung agi. Anye Pak Beluk penasaran, sebab di HP bininye ade nomor telpon namenye nomor gajah. Kenan belum sempat nginaki HP bininye, kah betanye kenan madaki. Waktu HP ndung Yung tekinak dicaskah, Pak Beluk ncukah nginaki nomor HP yang bename nomor gajah itu. Kenan langsung manggil bininye, untuk memastikah.

“Ndung Yung, cube sini kudai kabah,” kate Pak Beluk sambil lelinyum.

Ndung Yung sedang di dapugh gegupuh: A”de ape bapang Yung. Aku masih ade kerje di dapugh ni. Cak penting nian kabah,”.

Timbal Pak Beluk: “Mane HP dengah, cukah kite sekinak name di HP memasing ape. Kalau aku name kabah My Honey. Ntah kalau kabah mbuat nomor Hp ngkuk ape di HP tu,”.

Ndung Yung agak gugup: “Untuk ape kah sekinak nian, ye pasti nomor HP pasti ade. Dengah tu laki ku, pasti ade name tersendiri,”.

“Malah kite secukah setelponan, lemak keruan name aku apelah dibuat,” pancing Pak Beluk.

Karena dipakse nian, ndung Yung dide pacak ngilak. Pak Beluk sambil duduk di samping bininye telpon nomor ndung Yung Pantit. Antak telpon masuk, nomor HP Pak Beluk langsung timbul nomor gajah.

“Aiii cacam ndung Yung, ape maksud kabah. Ngengape nomor aku disebut nomor gajah, menghina laki kabah ini,” Pak Beluk mulai nampakah emosinye.

“Aku niru kabah, dulu kabah nyimpan nomor namenye Yoga. Tapi waktu aku die nelpon suare betine, namenye Yona. Aku yakin masih banyak nomor name lanang tapi betine. Malah kite cek mbak ini supaye jelas gale,” tantang ndung Yung Pantit sambil ngacakah muke marah. (mrn)




LEAVE A REPLY

Please enter your comment!
Please enter your name here