Beranda Cerita Pak Beluk Nipuka Konter

Nipuka Konter

59
0


PAK Beluk maju ngingatkah bibainye untuk hati-hati ngah nomor handphone (HP) penipuan. Soalnya, jaman mbak kini aghi banyak nomornye galak ngirim SMS ataupun nelpon langsung berkedok penipuan.

“Ndung Yung, mulai mbak kini hati-hati nian nguneka HP. Jangan percaya nian kalu ade jeme SMS atau minta belikah pulsa. Soalnye, la banyak jeme kene tipu,” kate pak Beluk nga Ndung Yung Pantit.

“Awu nian sayang,” timbal bibai pak Beluk mesra.

“Udem tu, ame ade jeme minta nomor HP kite jangan galak asak njuk pule. Kele dijadikah bahan jeme ndak nipu kite,” lanjut pak Beluk nasihati bibainye.

“Ngape luk itu sayang,” tanye bibainye.

“Ade jeme cicak minta nomor nian, mangke nipu lewat telepon ngah SMS, pacak andam kite dibuatnye,” jelas pak Beluk.

“Ooo, syukurlah ame luk itu sayang,” jawab bibai pak Beluk.

“Nah, syukur lukmane titu?” tanye Pak Beluk penasaran.

“Aku kemaghi ke konter Hp ndak ngisi pulsa, jeme tu minta nomor handphone aku. Karena takut kene tipu mangke jeme tuan konter ku tipukah,” jelas ndung Yung Pantit.

“Tipukah lukmane?” tanye Pak Beluk agi.

“Aku tipukah, aku njukah nomor aku anye due butik nomor belakangnye ku ganti nomor lain,” timbal bibai Pak Beluk, bangga.

“Ai cacam, ame luk itu bukan nipukah, kaba ye bigal,” kate Pak Beluk, pusing. (roh)



LEAVE A REPLY

Please enter your comment!
Please enter your name here