Beranda Cerita Pak Beluk Nilai Besak

Nilai Besak

111
0

Bedul kance Yung Pantit adapan ghumah, sebulan ye lalu mbeli Play Station (PS). Yung Patit mbakini lah rajinlah di ghumah die, nak numpang main atau sekedar nginak kancenye tu main PS. Jak balik sekul sampai malam di situlah badanye.

Seminggenye dide terti agi die ni belajar. Pekerjaan Rumah (PR) jak guru juge rajinlah lupe dikerjekah. Akibatnye, nilai die yang selame ni alap jadi anjlok.

Pak Beluk ye selame ini tekenal tegas dalam mendidik anak-anaknye, marah dengan Yung saat itu juge.

“Yung, amu pagi kaba ulangan dapat nilai karut agi, jangan cecube kaba panggil aku bak agi,” kate Pak Beluk, dengan tegas.

Yung Patit lah keruan nian kalu sipat bapangnye ni tekenal tegas dan pantang dipatahkan.

“Au bak,” jawab Yung sambil gemetar.

Siang tu waktu Yung Patit balik jak sekul, bapangnye langsung betanye.

“Luk ape hasil ulangan tadi Yung?” tanye Pak Beluk.

“Besak kata bak,” jawab Yung Pantit.

“Cube nginaknye kudai,” uji Pak Beluk.

Pas dikinakinye ngah Pak Beluk, besak nian tulisan nilainye. Lah kah penuh buku selembar ngah tulisan angke nol (0).(roh)




LEAVE A REPLY

Please enter your comment!
Please enter your name here