Beranda Cerita Pak Beluk Ngiput Poto Gadis

Ngiput Poto Gadis

42
0

LUM lame ni Yung Pantit begadis didusun seberang ayik padang. Negur ghunam njak di duaghe dapugh.

“Aku bejalan kudai Bak, ndak begadis,” kate Yung Pantit pamit ngah Pak Beluk.

“Iluk iluk dighumah jeme, bawe itar mangke ibungnye ribang,” timbal Pak Beluk.

Gegidik nian Yung Pantit bejalan mbawe itar. Satu nyampai ke dusun seberang di panggil ngah anak gadis.

“Kah kemana kamangan dengah, singah kudai,” kate gadis seberang ayik padang.

“Ai lasung nian,” Yun Pantit naik ghaghang.

Keluaghlah ibung ndung anak gadis, sambil betanye,

“Jeme mane kamu ni, dide ndak lame nian minyak tanah lah ndak abis,” kate ibung.

“Kite belikah bung,” timbal Yung Pantit.

“Ai lajulah kalu luk itu, minyak manis mbeli pule kalu gebuk tinggal mengendam beghas,” tumbal ibung agi.

“Nduk kah kata kendak ibung ni, anye payulah ye penting pacak begadisan” kate ati Yung Pantit.

Bejalan nian Yung Pantit mbeli minyak tanah ngah minyak manis, ate dapat balik keghumah badah begadis njukanye belian pesanan Yung Pantit.

Ngengerjap Yung Pantit nginak ke dinding pelupuh ngubang ibung. Tekinak ngah Yung Pantit poto anak gadis.

“Nah inilah penukar sen mbeli miyak tanah ngah mintak manis tadi,” Yung Pantit lelinyum sambil nuyungkah minyak tanah ke lampu canting.

Udim nunyung minyak tanah ke lampu canting, tiupnye ngah Yung Pantit lampu canting, gegerubus bajang ngiputkah photo anak gadis.

“Nah lah tebalik duit mbeli minyak tanak tadi,” Yung Pantit tetawe sughang sambil ngidupkah lampu pakai culuk.(pin)




LEAVE A REPLY

Please enter your comment!
Please enter your name here