Beranda Cerita Pak Beluk Ngikut Pelantikan

Ngikut Pelantikan

84
0

PAK Beluk dengan Merin ngikut ndak nginak pelantikan Bupati belasaghi.
Kenan Bedue ni di ajak kance, selain memang bejase memenangkan Bupati tepilih juge masih keluarga Bupati.

“Bapang Yung, Pegi kite nginak acara pelantikan” tanye merin.

“Yak au. Aku lah siap die. Baju ngah celane lah udim ku gosok gale. Sepatu udim ku semir, nginjam semir Ujang Kericup. Anye setakin ku ndik die agi. Lah betebuk gale dijari ngah tumite,” timbal Pak Beluk, semangat.

“Same, ame kabah berangkat aku berangkat pule. Ape ubahnye kite bedue same kereh dulu” kate Merin.

Mangke jadilah pegi due sekawan ini nyaksikan pelantikan.
Pas lah sampai badah pelantikan.

“Maaf bapak isi absen dulu, dari mana bapak” kate petugas ye jage di kantor besak alap tu, pas nginak jeme bedue ni nyelonong saje ndak masuk.

“Nah lah nak ngisi absen. Ame nginak acara pelatihan didusun belasaghi, ade honornye setini,” pikir Pak Beluk.

“Saya dari keluarga Bupati. Nameku Merin bin Kerin,” kate Merin.

“Saya keluarga Wakil Bupati. Nameku Beluk bin Caluk,” kate Pak Beluk, juge pede.

“Silakan isi absen sesuai name yang ade disitu.” kate petugas.

Lanang bedue tu lah semangat nda ngisi absen. Anye dikinaknye lum die namenye disitu.

“Yak pak, dik diye name kami disini,” tanye Merin.

“Nah kalau begitu, berarti bapak berdua silakan nunggu diluar saja. Karena yang boleh masuk dibatasi sesuai protokol kesehatan,” jelas petugas tu.

“Ndook Merin, aku lah merase nian pasti ndik boleh tadi. Udimlah, malah kite duduk dibawah batang besak tu saje, sambil ngobrol ngah kekance,” sintung merin, sambil garuk palak.(ujr)




LEAVE A REPLY

Please enter your comment!
Please enter your name here