Beranda Cerita Pak Beluk Ngajak Sebesan

Ngajak Sebesan

69
0

CERITENYE ni kemaghi Pak Beluk njadi narasumber acara bebudak di dusun. Ade pule Upik Buluh njadi narasumber. Gegentian ughang due ini ngecik.

“Dululah kaba ngecik pik. Anye jangan panjang benagh. Sisakah ndak aku pule waktu,” uji Pak Beluk.

“Kabah tulah dulu. Aku ni ndak panjang libagh,” timbal Upik Buluh.

“Ai…Kaba ni. Sesuai ngan badan besak panjang libagh,” Pak Beluk, agak kesal.

Mulailah Pak Beluk becancung di muke bebudak. Ngegape pule tesimpang Pak Beluk ni ngecik. Kate kenan ngatekah Upik Buluh ngajak sebesan. Ndak jodohkah anak. Anye kenan engguk.

“Ukane aku endik setuju ngan anaknye. Anye aku engguk sebesan ngah Upik Buluh,” kate Pak Beluk, tanpa ngenjuk alasan engguk sebesan.

Udim tu, Upik Buluh pule njadi narasumber. Langsung nimbali kate Pak Beluk kenan ni.

“Ai…Maaf nian. Ukane tebalik. Pak Beluk nilah maju ndak njodohkan anaknye ngan anak ku. Anye aku engguk. Ukane jaman Siti Nurbayah kapuh. Jaman lah maju mbak ini aghi. Lum nian, gi jauh care berupuk ni. Masih dusun benagh,” balas Upik Balak, antakkah nyampaikah materi inti acara.

Terakhir Pak Beluk ni ngecak mikrofon agi kenan. Kenan minta buka foto anggota tim di infocus.

“Kinak foto Upik Buluh tu. Sesuai endik ngan aslinye?” uji Pak Beluk, minta dukungan ngah peserta kegiatan.

“Endik same. Beda nian,” jawan anak-anak, serempak.

“Sesuai beda. Mun di foto tu lah dempulan,” kate Pak Beluk, engguk kalah kate.(sip)




LEAVE A REPLY

Please enter your comment!
Please enter your name here