Beranda Cerita Pak Beluk Ngajak Rusak

Ngajak Rusak

53
0

SEMENJAK putus dengan tunanganye, Pak Beluk ni maju galau terus. Merin ni purik nginak Pak Beluk ni, maju galau kadang-kadang nangis. Merase, pening palak Merin ni tadi ngajaki Ujang Kericup, mbataki Merin ke dalam karokean. Dengan, sigap Ujang Kricup ni ngicik okk.

“Ai lah pening palak aku nginak kance kite sutik ni ce, kabah kawani aku malam kele mbatak Pak Beluk ke dalam karokean, ye dekat Pasar tu awu. Nangkelah aku mbayari karokean itu,” kate Merin

“Ok, siap ce,” jawab Ujang Kericup.

Udim azan Isya, Merin ni langsung pegi kerumah Ujang Kricup mbatak mubil. Sangking lah niat endak ngajak Pak Beluk ni rusak.

“Cee, cee, melah Pak Beluk lah stanbye di ghumah au,” kate Merin.

“Melah, meluncur kite,” jawab Ujang Kricup

Setibe di ghumah Pak Beluk, dang alap nian Pak Beluk sedang merenung di depan ghumah au tu.

“Udim kudai merenung terus kabah ni ce, pacak gile kabah ni. Melah naiklah mubil kite jalan-jalan kudai mbeli makanan,” modus Merin.

“Dide ce, aku dang sedut begerak,” balas Pak Beluk

“Dide jadi pukuk au kabah harus mikut kami,” jawab Merin.

“Ai dide ce lajulah kamu bedue,” jawab Pak Beluk agi.

Buntu hakal Merin dengan Ujang Kricup ni tadi, langsung ngecak i tangan dengan keting Pak Beluk. Lah masuk dalam setum, Pak Beluk ni mengut dengan tian bedue ni endak memaung de berani.

“Kemane kie awak ni, timbul makse liwatan kuti tu gui,” kate Pak Beluk.

“Dediamlah mikut-mikutlah,” jawab Ujang Kricup.

Lah sampai dikarokean, Pak Beluk ni tadi langsung masuk duduk. Merin dengan Ujang Kricup mbataki PL empat ughang.

“Ai nduak, ngape dide ngicik njak tadi kalu luak ini,” kate Pak Beluk, langsung sehat wal’afiat.(rjs)




LEAVE A REPLY

Please enter your comment!
Please enter your name here