Beranda Cerita Pak Beluk Ndik Tahu Tiduk

Ndik Tahu Tiduk

59
0

KEMAGHI di sekul Yung Pantit aghi pertame mulai ngadekan ulangan. Awak semalam kenan begadang nonton TV. Jadi ndek tetahan-tahan mate kenan ndak njegil anye masih ngerantip ndak mejam saje.

“Uiii Yung.. Lah udim dijawab soal ulangan kaba tu,” bentak Ibuk Guru.

Karne ndengar bentakaan gurunye, Yung langsung tekejut.

“Siap Buk Guru,” jawab Yung sambil ngusuk-ngusuki mate.

Lum lame tu, ngulang agi mate kenan ndak ngerantip agi, dide tetahan nga kenan.

“Yuuunnggg.. Luk ape kaba tu purak parai tekantuk manjang. Amun lah udim kumpul kelah sini hasil kerjean kaba tu,” bentak gurunye agi.

“Anu Buk Guru, di malam dide pacak tiduk aku ni,” timbal Yung.

“Ame luk itu, kaba tidukla kudai saghini, dide pule ndak ngikut ulangan. Minggu depan saje kaba ulangannye,” tambah guru Yung Pantit.

“Nduk ngape luk itu Ibuk Guru,” tanye Yung bingung.

“Luk mane kaba ndak pacak ngerjekah soal ulangan ame tiduk saje kaba ndek tahu,” kate guru Yung Pantit.

Ngabang singgenye muke Yung Pantit. Kenan maluan nga kance-kance sekelasnye. (roh)




LEAVE A REPLY

Please enter your comment!
Please enter your name here