Beranda Cerita Pak Beluk Ndik Jak Dulu

Ndik Jak Dulu

32
0

KETIKA melintas didepan ghumah Pak Beluk ketike balik jak warung. Buyung ye mpai udem melangsungkan ijab kabul nampak besesiul dengan riang gembira. Pak Beluk ye kebetulan dang duduk di berende, lantas mantau rekannye sesame perangkat desa (perades) itu untuk singgah ke ghumah nye.

“Lain nian ye mpai ijab kabul ni ehh. Nampak ceriah saje, mangke lebih cerah aura muke nye. Beda njak sebelum bebunting paini. Same Luk ayam pajuh geru penampakan nye..hehe,” kate Pak Beluk memulai obrolan nye.

“Hehehe.. Luk itulah Pak Sekdes. Guk nian Kate kamu dulu tu. Lemak nian pule bebunting ni. Nyesal aku ndik sandidulu aku bebunting ni,” jawab Buyung sambil lelinyum.

“Nduk cengki nanggung benagh adik melauk i kaba ni Buyung. Cengki ndak saje kaba ni,” sambung Pak Beluk.

“Hushh.. ame ye itu ndik perlu dikicikkah agi. Sesame tahu saje lah. Hehe,” ujar Buyung.

“Lemak ye ku maksud tu, segale sesuatu kegiatan dalam berumah tangga, ame itu kegiatan positif, pacak jadi nilai ibadah. Memudahan saje ini, pacak nambahi amal baik aku ye ame sembahyang masih sering ndik lengkap 5 waktu ni. Namun tetap harus terus memperbaiki nye supaye rutin genap 5 waktu” sambung Buyung.

“Adak uii. Langsung jadi bijak kaba udem bebunting ni. Ye kaba sampailah barusan, cengki salah satunya isi Bimbingan pra-Nikah,” tanggap Pak Beluk.

“Hehe,” tanggap Buyung sambil lelinyum. (yie)




LEAVE A REPLY

Please enter your comment!
Please enter your name here