Beranda Cerita Pak Beluk Nasi Doang

Nasi Doang

65
0

Lum lame ni ceritenye Pak Beluk pegi ke kota. Karne sebelum berangkat tadi kenan belum makan, jadi sampai di kota kenan langsung ndalak badah makan. Karne ndak agak begaya dikit Pak Beluk masuk ke warung makan ye agak mewa dikit. Pas Pak Beluk masuk rumah makan, pelayan langsung nyodorkan menu makan.

Pak Beluk nginai menu makanan ye disodorkan pelayan tadi. Ade nasi remes, nasi goreng, nasi kuning, nasi tumpeng dan ye terakhir name menu nasi doang.
Udim mbace daftar menu makanan, Pak Beluk bingung ndak mesan ape. Akhirnye Pak Beluk memesan nasi doang. Sebab, Pak Beluk lum pernah makan nasi doang tu.

“Nasi doang satu mbak,” uji Pak Beluk pede nian dengan cak icak gaul.

Ndik lame pelayan langsung ngantatkah pesanan ke meja Pak Beluk. Lah lame pule Pak Beluk nunggu nasi, anye dide ade pelayan ngantarkan gulainye. Karne dide tahan agi ndak makan, Pak Beluk langsung manggil pelayannye.

“Mano gulainyo?” tanye Pak Beluk pakai bahasa Kota.

“Bapak pesan apa tadi?” tanye balik pelayan.

“Nasi doang,” jawab Pak Beluk pede.

“Kalau nasi doang, nasinya nggak pakai lauk bapak,” pelayan njelaskah.

“Terus doangnye kemane?” kate Pak Beluk mulai meruntak.

“Bapak, nasi doang itu sama aja dengan nasi putih saja. Atau kalu base dusun, nasi bangke alias endik begulai,” pelayan njelaskah panjang libagh.

Ui kata maluannye Pak Beluk. Awak jeme rami juge di ghumah makan tu. Tepakse Pak Beluk makan kua ayik. Ndak mesan agi Pak Beluk ni takut kurang duit, tambah maluan kenan kele.

“Ai cacam ai, ndak lemak laju urung ini. Ampir ndik bemuke agi aku mun luk ini ceritenye,” uji Pak Beluk sambil makan tepakse. (roh)

 




LEAVE A REPLY

Please enter your comment!
Please enter your name here