Beranda Cerita Pak Beluk Naik Mobil Online

Naik Mobil Online

99
0

SELAME tige aghi, Pak Beluk dan Merin ngikut pelatihan Badan Usaha Milik Desa (BUMDes) di Kota Bengkulu. Karne ndik mbatak kendaraan, ughang tige ngandalkah angkutan umum, yang kini pacak dipesan secare online.

“Nduk lemak di kota ni awah. Taksi-nye lah uluk di film Mesteri Ilahi di TV tu. Mobil sedan gale, beda nian ngah jaman aku sekul di STM mpaini,” uji Pak Beluk, pageghan.

“Ude maluan, melah naik ke setum. Nampak nian kite ni jak dusun amu kaba luk ini,” ajak Merin.

Karne pejalanan ke bada pelatihan lumayan jauh. Pak Beluk ye kepo ngajak ngobrol supir. Sedang Merin ye kurang tidok, melanjutkah mimpi indahnye di kursi penumpang.

“Uii Jon.. Kayo nian dak bos kamu orang koh. Oto-nyo padek-padek nian. Beda nian cak waktu sayo sekolah dulu tu,” kate Pak Beluk, memulai obrolan.

“Oto sayo iko bang. Kami koh kerjosamo kek orang yang punyo aplikasi angkutan online koh. Sistem bagi hasilnyo, kami ngasih 10 persen dari penghasilan kek yang punyo aplikasi,” kate supir ye bename Jono dengan logat khas Bengkulu “R” bekarek.

“Ohh caktu yo. Oke-oke paham sayo kini. Jadi samo cak makelar nyo tu,” lanjut Pak Beluk.

“Yo caktulah bang,” jawab Jono.

Ndik terase, rombongan ni sampai di bada pelatihan.

“Uii Rin. Melah kite mbuat aplikasi ojek online pule melah untuk jadi BUMDes di desa kite. Pengelolahnye cuma jadi tukang ngulo bae, ndik usah modal armada angkutan luk selame ini, dapat bagian pule jak penghasilan tukang ojek ye kerjesame ngan aplikasi kite ni,” ajak Pak Beluk ngan Merin.

“Nahh..Ide bagus titu. Kele tu tukang ojek online kite tu ngojeki kawe, sawit, karet, ngah padi. Hahah. Ape kekire name ye pas untuk aplikasi kite tu ce,” tanggap Merin.

“Kele lah amu masalah name. Ye penting kite cakaghi jeme ye pacak mbuat aplikasi androidnye kudai,” kate Pak Beluk sambil masuk ruang pelatihan. (yie)




LEAVE A REPLY

Please enter your comment!
Please enter your name here