Beranda Cerita Pak Beluk Motor Gigi Mundur

Motor Gigi Mundur

39
0

LUM lame ni Pak Beluk ke bengkel endik jauh njak dusun. Motor kenan ni rusak. Kata segenye mun masukah gigi. Kulaghan endung Yung Pantit merengam terus ngah Pak Beluk.

Nyampai ke bengkel, Pak Beluk ni duduk nyantai sambil ndepu ngudut. Tukang bengkel tu gemerudik saje. Pak Beluk yakin-yakin saje ngah tukang bengkel tu.

Lah ndak setengah aghi lum kina udim-udim motor tu. Ndak jeme gi jerang gale dieloki. Pak Beluk ni lah mulai gelisah.

“Alangkah lame amun ndak aku ni,” kate Pak Beluk ngah tukang bengkel.

“Jerang agi udim. Sabar. Amun sabar selesai gale,” sambung tukang bengkel.

Duduk agi Pak Beluk ni. Anye muke Pak Beluk ni lah kesal.

“Nah bos, cubelah kudai, udim tini,” kate tukang bengkel.

Senang bukan main Pak Beluk ni. Betegak langsung kenan. Pas kenan cube masukan gigi, mudah nian. Anye ate digas motor tadi mundur. Terbanting Pak Beluk ni.

“Ngape motor ni dipasang gigi mundur!” Pak Beluk marah.(yie)




LEAVE A REPLY

Please enter your comment!
Please enter your name here