Beranda Cerita Pak Beluk Mobil Gigi Kekure

Mobil Gigi Kekure

63
0

PAK Beluk beghusik ke daerah gunung dengan keluargenye. Waktu naik tanjakan tinggi, mobil Pak Beluk dide mampu ndaki. Raban tu tepakse tughun supaye mobil nanjak. Waktu raban tu bejalan ndaki tebing. Banyak mobil lain nanjak di tebing tinggi itu, raban tu kesal.

“Yak, ngengape mobil kite dide tetanjak bapang Yung, kerih ndaki ni,” kate ndung Yung Pantit bejijih.

“Mobil kite ini lah karut ndung. Lah njak awal aku kicikah dengan bapang jangan beli mobil ini, karut,” Yung Pantit cecak terti.

“Udimlah bejijih sedang naik tebing ni. Kalu napas tesimpang, pingsan pule kele. Mobil kite ni ringkih, anye tanjakannya tinggi nian,” Pak Beluk nimbal.

“Yak tapi ngengape mobil jeme tenaik, mobil kite dide,” Yung Pantit sejagal.

“Au nian, itu tande mobil kite ni lah karut. Kalu badannye saje ye ringkih, mesinnye lah tue,” timbal ndung Yung Pantit.

Nganing anak bininye masih bejijih, Pak Beluk purik.

“Mobil kite ni masih alap. Anye sistem belum canggih uluk mobil jeme ye naik tadi,” Pak Beluk engguk kalah.

“Yak mobil kite mesin lame kalau mbak itu bapang,” kate Yung Pantit mbantah.

“Mobil kite belum pakai gigi biase,” uji Pak Beluk.

“Yak mobil jeme itu pakai gigi ape sampai naik bak?” Yung Pantit penasaran.

“Mobil jeme itu lah pakai gigi kekure, mobil kite masih pakai gigi besi,” timbal Pak Beluk asak galak. (mrn)




LEAVE A REPLY

Please enter your comment!
Please enter your name here