Beranda Cerita Pak Beluk Mbuyankah Laki

Mbuyankah Laki

107
0

PAK Beluk dengan bininya ndung Yung Pantit sedang santai di teras ghumah. Laki bininya ngobrol serius nian nunggu magrib. Sedang asyik ngobrol ndung Yung Pantit mulai bejijih.

“Kini bapang Yung virus corona belum udim. Aku nonton TV akap tadi ngeri nganingnye. Jumlah ninggal kene virus itu tambah katah,” kate ndung Yung Pantit.

Nimbal Pak Beluk “Dide pule kah ngeri nian, urusan mati itu kekuasean tuha. Kite harus sempade saje, ape lagi dengan jeme baru balik njak daerah banyak terpapar virus corona”.

“Au aku paham kalau itu bapang Yung. Tapi kabah harus ketahui musim virus ini kesetian laki bini, besantingan anak beranak diuji,” kate ndung Yung Pantit.

“Dide bedie hubungan itu dengan virus corona, udim itu, maksudnye lukmane ndung Yung,” tanye Pak Baluk.

“Ini contoh kesetiaan diuji itu misalnye aku kene virus ini, lah positif kate dokter. Kabah masih dide galak maraki aku ngurus aku bidapan,” ndung Yung Pantit ndesak.

Nganing luk itu Pak Beluk mulai nerangkan: oiii ndung Yung, ade standar pengubatan kalau positif virus corona. Dide asal jeme ngerawatnye, tim medis nian kabah.

Nganing lakinye mulai ngeles ndung Yung Pantit ngangat “Kalau luk itu kabah dide setia dengan aku. Dide galak ngerawat aku waktu bidapan corona. Tega nian kabah bapang Yung“.

Nganikah kicik bininye nyakikah ati Pak Beluk panas “Mbuyankah laki kabah ni ndung Yung, bigal itu jangan dipelihare. Lah keruan kalau jeme bidapan corona itu penanganan langsung medis. Kabah tu ngajungkah aku mati kalau aku ye ngubati kabah. Urusan bidapan bukan ukuran kesetian”. (mrn)




LEAVE A REPLY

Please enter your comment!
Please enter your name here