Beranda Cerita Pak Beluk Mancing Lima Ribu

Mancing Lima Ribu

50
0


PAK Beluk mbak kini aghi lagi riang-riangnye mancing di kolam pemancingan. Lantaran sekali masuk mancing cukup bayar Rp 5.000 (lima ribu rupiah). Ini jugo lah dapat aiak kopi gratis. Kebetulan ikan di kolam pemancingan anye dua jenis, ikan nila dengan ikan mas.

Kato Pak Beluk dengan kancenye Merin, menurut pengalaman mase budak-budak dulu umpan ikan dua jenis ni cukup dengan umpan nye agak anyir. Mulai jak telur, usus ayam. Selain itu pacak jugo umpan pelet tapi tegantung cuaca.
Mulailah Pak Beluk mancing dengan Merin.

“lemak nihan mancing ni cukup bayar lima rubi rupiah per orang,” kate Pak Beluk.

“Itulah lemaknye mancing di kolam ini, cukup bayar murah,” timbal Merin.

Lah duo jam mancing dengan umpan pas pulo kekendaan ikan, hasil mancing banyak nian dapatnye. Amen diitung pacak ratusan ekor. Pas ndak balik Pak Beluk dengan Merin keno hadang depan lawang.

“Ngape dihadang kami kan ndak balik,” tanye Pak Beluk.

“Timbang kudai ikan tangkapanmu itu, amen kami kinak lah banyak titu mulai jak nila jugo ikan mas,” timbal penjagenye.

“Sesuai dengan informasi, sekali macing cukup bayar lima ribu dan itu jugo dapat pulo satu gelas kopi,” timbal Merin pule.

“Bayaran itu baru ongkos masuk. Tapi amen dapat ikan lain lagi hitungannye. Jadi bayar sesuai dengan timbangan,” kate penjagenye sambil ngecak kening.

“Meleset informasi ini. Sangke kami de ndak dihitung dapat ikan ni. Cukup lima ribu gale,” kate Pak Beluk.

“Ikan nye ndak kami gendamkan agi gale ke kolam agi. Amen kah dibayar tukar kan lah gerudo mutur bughuak mu tu. Baliknye kito bejalan saje,” kate Merin.

“Ai cacam,” kato Pak Beluk. “bukan mudah ndak mutur, Merin. Lah limo tahun bekebun mpai dapat. Amen iluak itu de pulo ndak batak ikan, sisa umpan pancing nila disambalkan, raseku masih kah jadi. Amen iluk ini informasi lima ribu sekali mancing mangke jemo rami. (man)



LEAVE A REPLY

Please enter your comment!
Please enter your name here