Beranda Cerita Pak Beluk Malaikat Mutasi

Malaikat Mutasi

58
0

PETANG kemaghi Pak Beluk ngan Merin bedebat masalah agama. Luk kah paham benagh ijeghan agama. Awak sembayang saje banyak tinggal.

Kalu nurut Pak Beluk, segale jeme beagame Islam kah masuk surge gale. Anye antakah masuk surge, masuk nerake kudai. Udim di nerake, pindah ke surge.

“Jadi, kosong nerake kele mun lame-lame. Mun isinye lah pindah,” protes Merin.

“Mangke tu sape pule kah mindahkah jeme njak di nerake ke surge tu? Ape ade malaikat urusan mutasi? Sepengetahuan aku endik bedie malaikat bagian mutasi,” Merin bertubi-tubi.

“Aku tu ndengar ustad galak ceramah. Itulah die endak ke masjid. Mangke keruan juga ijeghan agama. Amun ngah Tuhan endik bedie endik mungkin. Pacak saje adekanye malaikat ye kah ngurusi bagian mutasi njak nerake ke surge kele,” uji Pak Beluk.

“Udimlah kudai luk paham nian agama. Janganlah ngengade. Aku lum pernah tedengagh kapuh ade malaikat bagian mutasi nerake ke surge. Tinggal luk di Pemda, ade bagian mutasi pegawai. Ngayal kaba ni. Kalu sesat ce,” uji Merin, engguk kalah.(**)




LEAVE A REPLY

Please enter your comment!
Please enter your name here