Beranda Cerita Pak Beluk Makan Serame Ngah Ayam

Makan Serame Ngah Ayam

49
0

PAK Beluk embak ini dang kene pantangan. Kenan endik bulih makan nasi putih. Cuman pacak makan nasi abang. Jadi, tepakse misah magic com kenan ngan anak bini.

“Itulah aku malas pegi ke dokter tu. Banyak benagh ijeghan. Kapuh endik boleh makan nasi putih. Tape die ndak ku makan,” Pak Beluk bemumut saje, sambil maju nyuap.

“Ui dengah. Pantangan kudai jerang. Amun lah sembuh kele ngulang agi. Dokter tu alap tujuannye. Ngajung kamu sehat,” endung Yung Pantit, ngenjuk pengertian.

“Samelah pule empuknye pantangannye ni. Endik masuk di akal. Aku ni jak kecik makan nasi putih. Mangke endik boleh agi. Ngajung sehat tape titu,” uji Pak Beluk, masih pusing.

“Awu…teserah kamu. Amun ndak masih umur panjang. Turutilah kate dokter tu. Jangan banyak benagh protes,” endung Yung, lah ligham pule nginak Pak Beluk idang makan maju bemumut.

“Awu…aku turuti gale. Asak kah sehat. Aku ni mbak ini lah serame ngan ayam makanan ni. Anye gila, asak kah sehat nian. Pacak ngerjei jeme tulah dokter tu. Adelah nian aku ndak nyube njadi dokter palsu. Aku ajung makan tik kambing gale pasien banyak di rumah sakit tu takarannye,” Pak Beluk, maju protes panjang libagh.(sip)




LEAVE A REPLY

Please enter your comment!
Please enter your name here