Beranda Cerita Pak Beluk Mabuk Buyan

Mabuk Buyan

39
0

PAK Beluk diajungkah keluarganya ke Jakarta anak beranak. Kenan lah diajungkah naik pesawat. Kenan selame ini belum pernah naik pesawat. Semingge agak Pak Beluk was-was. Tapi kenan maluan dengan anak dengan bininye. Semingge sok PD Pak Beluk selfie nian antakah naik pesawat. Sampai pesawat berangkat Pak Beluk masih santai. Tapi lah 10 menit terbang pale Pak Beluk mulai pusing, perut juge lah mual.

“Ngape bapang, mendam saje peluh dingin keluar,” tanye Yung Pantit.

“Bak mabuk Yung, ade kantong?,” tanye Pak Beluk.

“Ngape dide mbelut pil mabuk kiah. Awak lah keruan pemabuk”, langsung betegak Endung Yung, Nganing lakinye ngicik di kursi mukenye.

“Oii diam kiah, aning jeme kele maluan. Mintaklah kantong untuk muntah aku,” kate Pak Beluk.

“Dide bedie, ukan di mubil travel ini,” timbale endung Yung.

“Mane pelayan betine tadi. Tulung kudai marak sini. Aku mabuk, mintak tolong kantong asoi,” pantau Pak Beluk sambil betegak.

“Ada bisa dibantu bapak. Ada apa bapak”.

“Aku ni mabuk, ajungkah supir pesawat mandak. Aku kah muntah, tulung nian,” Kate Pak Beluk.

“Ada bisa dibantu bapak”.

“Kami mau tukar tempat dengan anak saya mbak”.

“Silakan buk, asal aman dan anaknya mau,” kate Pramugari.

“Kite ini di pucuk langit. Dede pacak mandak, kalau mandak umban. Pacak matik gale jeme di dalam ini”.

“Kalau mabuk mendam saje. Jangan mabuk nambah buyan, maluan dengan jeme rami ini. Manelah mabuk buyan kelaugh gale”. (mrn)




LEAVE A REPLY

Please enter your comment!
Please enter your name here