Beranda Cerita Pak Beluk Lulus Jak Razia

Lulus Jak Razia

32
0

SAMBIL menyeruput kopi hangat sambil makan gorengan di warung dekat pintu masuk dusun. Pak Beluk, Merin, nga Ujang Kericup begabus panjang libagh bahkan terkadang ceritekan pengalaman.

Pak Beluk menceritekah pengalamannye dulu, saat selamat dari sanksi tilang, ketike digelarnye Operasi Zebra oleh Satuan Lalu Lintas (Satlantas).

“Jadi waktu rami tegalau. Jeme lah banyak berenti. Lah luk antrian pengobatan alterntif Ponari tu,” Pak Beluk semangat becerite.

“Aku ni ndik tau ngelipat agi awah. Tape jeme ni lah kata raminye. Perlahan aku ngikuti arus. Ku perhatikah Jeme ni macam-macam nginak aku. Ade ye nampaknye kasian, ade juge ye nampaknye sinis, dan lain-lain pokoknye. Soalnye saat itu ngi aku tulah ye dide makai helm. KTP tinggal, HP ni masih rencane dibuat ngah jeme,” Pak Beluk njelaskan keadaan saat kejadian.

“Terus lukmane agi kelanjutannye Bapang Yung,” Merin ngan Ujang Kericup penasaran.

“Aku pasrah waktu itu. Ape pun ye terjadi aku terime. Sate sampai depan Pak Polisi, die bingung nginak aku. Aku mangke dipanggilnye terus aku betanye ape die kenal ngah aku. Trus die ngicik udem lanjutlah agi. Lega nian aku pada waktu itu,” kate Pak Beluk.

“Nduk ngape pacak luk itu? Amu aku, tiap betemu razia rate-rate ditilang,” ungkap Merin.

“Ntah ce kurang tau juge aku. Anye perasean ku waktu itu lega benagh. Perlahan ku dayung agi kerite angin ku ninggalkah bada jeme razia tu,” Pak beluk mengakhiri cerite.

“Ah kire ku tadi ape. Lah belajagh juge jadi Komika kaba ni bapang Yung,” kate Merin.

“Kalu nak ngikut lomba Stand Up komedi die ni Rin,” tambah Ujang. (yie)





LEAVE A REPLY

Please enter your comment!
Please enter your name here